امى ماتت

متخفيش يامى انا مش هبكى زى موعدتك
بس اعرفى انى بقيت وحيد من بعدك
اوعى بس تنسى تجيلى يوم فى احلامى
علشان تمسحى دموعى زى ما كنتى معودانى
امى ماتت
ومات الحنان من بعدها
كنت عايش ع حسها
القى فين ام تحبنى زيها
خلاص مش هقول كلمة امى تانى
ومش هلاقى حد يقف معايا او عشانى
الكل ادينى ضهره ورمانى
الناس والدنيا بقوا عليا
الناس جرحو فيا
والدنيا غدرت بيا
وعرفتى لما روحتى منى انتى اللى كنتى ليا
وانتى اللى كنتى بتخافى عليا
ومن نظرة كنتى بتفهمى عينيا
وحشانى ياما
واحشنى ابويا وخواتى واعدة اللما
مش هى دى النهاية
انت لسة ياما معايا
انا حاسس انك لسة بتتكلمى ويايا
انت يامى ماموتيش
وانا منستكيش
انا غاب النور عن عينى اول ما غيبتى
وفضيت حياتى لما بعدتى
نفسى يامى ابطل اشوف
من بعدك مش لاقى امان فى كل الوشوش
مهما اقول يامى فى حقك مادلوش
نفسى اخدك ياما فى حضنى وانام
ده اى جرح فيا وانا فى حضنك يطيب اوام
نفسى يامى اموت
بصرخ بقول ياما باعلى صوت
ضعفت من بعدك
وبقى حالى هو دموع وسكوت

انتى متلزمنيش

انتى دلوقتى متلزمنيش
انا مش هرجع اضحى وانتى مضحيش
ايوة انتى غلطانة متكلميش
سكوتك احسن من كلامك
انتى دلوقتى متلزمنيش
مسبتيش حاجة حلوة افتكرك بيها
قلبى خلاص كرهك
نسى اى كلمة حب انتى قولتيها
اى دمعة حزن منك كنت انا السبب فيها
جه الوقت اللى اقولك انتى تستاهليها
انتى خسرتى واحد كان بيحبك بجد
كان بيحبك اكتر من اى حد
مش هسمع منك كلام
انا جى اقولك سلام

عايش جبان

عايش جبان
خايف اقول غلط فيا
لحسن فى يوم مايكنش ليا
عايش جبان
كنت عارف انها انانيه
خفت اقولها تسبنى وتقولى مش جايه
عايش جبان
حايف اكون انا اللى غلطان
واسيبك شويه وتنسى اللى كان
وارجع بعد مايفوت الاوان
عايش جبان
بتعذب ومش مرتاح
خفت اكلمها والاقى كل شىء راح
عايش جبان
بتعذب ايام وليالى
خايف اقول اللى فى بالى
تزعل وتبعد وتنسانى
عايش جبان
مش عارف مين فينا اللى خان
خفت اسئله يقولى كل شىء هيبان
ينسى انى اديته حب وحنان
عايش جبان
خايف يكون فاكر ماليش لسان اقوله على كل الكلام
لحسن يكون فاكر ان سكوتى ده استسلام
عايش جبان
عاوز ارجع اعيش من غيره فى امان
زى ماكنت عايش زمان
لكن البعد عنها ده يبقى جنان
عايش جبان

عيد ميلادى

النهاردة عيد ميلادى
هاحتفل مع حبيبتى وروحى وحياتى
هانسى كل الدموع
وهاطفى مع حبيبتى الشموع
النهاردة عيد ميلادى
هاحتفل مع حبيبتى وروحى وحياتى
هتمنى فى عيد ميلادى امنيه
تكونى يا حبيبتى على طول ليا
ويارب اكون معاكى
ياحبيبتى ياملاكى
النهاردة عيد ميلادى
وهاقول على كل احلامى
السنه دى عندى سبعتاشر سنه
باحلم اعيش يا حبيبتى معاكى فى الهنا
ويلمنا بيت نكون فيه لبعضنا
ونجيب ولاد يعيشوا ويانا هنا
دى امالى واحلامى انا
عيد ميلادى احلى عيد
بوعدك يا حبيبتى هاكون انسان جديد
والايام هتعدى وهتبقى الايد فى الايد
عيد ميلادى احلى عيد

ليه يابن ادم

ليه يابن ادم تبيع حبيبك عشان شويه كلام
من غير تفاهم جى تقوله سلام
ده اللى كان بينكوا اكتر من الغرام
ده كلام ولا فى الافلام
تسيب حبيبك عشان شويه كلام
والله ده حرام

ليه يابن ادم
جى تقوله فراقنى طب على اى اساس
دانت ماعندكش احساس
لو تعرف قيمته بين الناس
ماتتقدرش بفلوس او ماس

ليه يابن ادم
بعد فوات الاوان جى تندم
كنت فاكر انك حر
اهى عدت الايام وشفت المر
هتبكى على مين ولا مين
هتفضل يابن ادم على طول حزين
وبلاش نفتح فى الدواوين
كل ماتقع فى مصيبه تفتكر انى ليك رب وليك دين

حبى الوحيد

اية ياحبى الوحيد
متفكريش بحبك اكيد
اول يوم شفتك كان بالنسبه ليا عيد
نفسى اقولك كلام
بقاله فى قلبى ايام
لما بتبعدى ثوانى والله بتبقى وحشانى
ولو ايه جرالى والله ماتغيبى عن بالى
كنت بشوفك فى احلامى
واكلمك فى خيالى
وقولك بحبك وادعى وقول يارب تكون سمعانى
دانتى اجمل حاجه فى الدنيا دى
لما بتضحكى بنسى كل احزانى
احتمال اكون بحبك انانى عشان ماحبتش حد تانى
ده اللى فى قلبى مش كلام واغانى
هتعدى الليالى
وهفضل ادوب فى هواكى
وعمرى ماهنساكى

لو شاء القدر

لو شاء القدر وفرق بينى وبينك
فاعرف انى ماليش حبيب غيرك
ولو شاء القدر وفضل حبك
فاعرف انى حبى ليك وحدك
واعرف انك مليت حياتى ومليت قلبى
بحبك وعشقك وحنانك
ده حبك زى النور جوايا
يااجمل شىء فى دنيايا
انتى حبيبتى
ممكن تنسى حبى ممكن تودعى قلبى
فانا من دون حبك ليس لى قيمة
فلن اتركك الا اذا شاء القدر
لن اتركك الا اذا شاء القدر